La ISDU ha identifitgà quatter accents tematics tenor ils quals ella vegn ad orientar sia lavur enfin il 2027. I sa tracta da temas interdisciplinars che pertutgan differents dretgs umans. Perquai po l’occupaziun cun quels sviluppar in vast effect general.
Il team «perscrutaziun e cussegliaziun» da la ISDU vegn a s’occupar da maniera scientifica cun ils quatter accents tematics da la ISDU ed a coordinar la perscrutaziun da la ISDU cun partenari:as extern:as. Cun la cussegliaziun dad autoritads, da l’economia e da la societad civila garantescha el che la perscrutaziun da la ISDU chaschuna in effect a favur da la situaziun dals dretgs umans en Svizra.